（有片）張敬軒開10場聖誕跨年騷 11·16信用卡優先訂飛
張敬軒（軒公）今日（8日）於社交網站宣布，將於12月20日至1月2日於灣仔會議展覽中心舉行10場《Revisit張敬軒演唱會》，橫跨聖誕節及新年。演唱會將於11月16至18日以銀行信用卡優先訂購，22日快達票公開發售，首場則是歌迷會HCFC會員專場。
由於之前舉行26場20周年演唱會，歌迷表示還有很多未唱的歌亦很想聽，因此在多方配合下，舉辦是次演唱會為20周年寫上一個完美句號。今次演唱會選曲以歌迷投票形式選出，軒公指，今次演唱會用《Revisit》，解作舊地重遊，他將用自己的歌與大家一起重遊20年的回憶：「對人對事對青春一齊來遊歷一次，我相信歌迷同我一樣，會有好多回憶。」
另外，今次演唱會將做三面台，軒公指他已經好幾年沒有做過三面台，都非常有新鮮感。「今次我哋都好大製作，好重本。首先係音響方面，保證每一個觀眾會有聽覺上最高之享受，另外視覺上都會好靚，聖誕新年是開心日子，所以成個騷唔會似上一次咁heavy，會歡樂好多。另外都一定唔會剩係唱Side Track（非主打歌），雖然好多歌迷話好多Side Track想聽，但係今次係重遊20周年的歌，所以經典的好聽的都會唱。」
為配合演唱會主題，染了一頭藍髮的軒公，於機艙內拍攝海報。3年未上過飛機，軒仔及工作人員都感到非常開心及懷念，軒公更笑言有「陌生感覺」，更表示演唱會結束後，他就會馬上飛去旅行。但這三年不能去旅行，他認為也不是很可惜，因為大家花了很多時間游歷香港：「呢三年大家睇多咗香港本身好多靚風景。而且疫情都教會咗我哋好多嘢，人同人之間相處回憶變得好珍貴。」
相關報道：
