MIRROR陸續復工　Stanley：行落去三字好沉重

男團MIRROR休團兩個月，Stanley、Frankie主演ViuTV原創劇《野人老師》，前者更被大贊演技出色。Stanley昨日（15日）深夜就忽然發文，指自己仍未走出傷痛，對生命感到迷失，更曾向醫生求助。

Stanley深夜上載黑白獨照，直言自己這段時間思緒混亂，亦一度感憤怒及內疚，更留言稱自己曾向醫生求助：「這幾個月下來，充斥着很多不同思緒。憤怒，內疚，傷痛，疑惑，恐懼，擔心，迷失。醫生說正常的，要面對的。」粉絲擔心他受PSTD（創傷後遺症）困擾。

Stanley提到早前眾人齊齊開會，他仍處於徬徨、崩潰情緒，更指有人問可以怎樣面對同行落去，最後眾人抱在一起，但反而令他更加迷失，心中事未能釋懷：「行落去呢三個字好沉重，到呢一刻我唔知道可以點做。大概係有啲事情仍然未能釋懷，就好似心中有條刺，有條傷疤。無錯，佢會慢慢復原，但每個人康復嘅速度都唔同，我哋唔好急，等佢慢慢復原。」

Stanley 表示自己正努力處理事件，希望大家要將心比心：「但復原之前，有啲事需要解決，需要搞清楚明白，需要安頓好有需要的人。我知道一一努力處理中。我們要善良，我們要將心比心。呢啲事看似微不足道，其實要做就唔容易。但我相信大家行多一步，世界會更和諧！」他並祝福意外傷者同眾Dancers。多位隊友如姜濤、Edan、Jer、Jeremy等均有畀Like支持，以表關心。

(點新聞特約記者陳惠芳)