有個閨密叫祖藍｜自認外星人 炎明熹曝計劃30歲嫁人
由王祖藍擔任主持的綜藝節目《有個閨密叫祖藍》，昨（18日）晚播出第8集。今集嘉賓是炎明熹（Gigi），Gigi在遊戲環節中先後展現古怪思路，令祖藍與製作組連番黑人問號。雖被說似外星人，但Gigi內心世界原來不難理解。
與一般17歲中學生無異，Gigi在學校中有兩名要好的「閨密」。她與其他少女一樣，一早已計劃好戀愛之路，更是早與家人商量30歲結婚。她透露指，理想對象要像哆啦A夢，令祖藍哭笑不得。談到與After Class成員姚焯菲Chantel、鍾柔美Yumi及詹天文Windy關係，Gigi對三人讚不絕口：「Chantel比較成熟，Yumi就非常活潑，Windy就搞怪啲。」
Gigi又直認參賽《聲夢》初期完全融入不到其他學員之中：「大家圍埋一齊傾偈，我就坐埋一邊，我比較怕醜同慢熱，有時我要諗到傾咩我先想講，否則停咗喺度我會好尷尬。（王：真係覺得自己外星人？）係，依家會主動同佢哋傾偈。（王：點解會咁？）應該嗰時未知道點樣同大家溝通得良好啲，或者驚自己將話題終結。我覺得自己成日都九唔搭八，有時我聽唔明人哋某啲用語，我會畀咗反應先，然後就偷偷地喺屋企查番個term係咩意思。」
昨晚緊接在myTV SUPER播放的加長版，除了會有更多Gigi笑爆肚行徑，最特別是祖藍會應製作組要求，說了「給17歲Gabby的話」，Gigi聽畢更感動至眼濕濕。祖藍說：「17歲係好興奮嘅年紀，相信你已經有自己嘅世界，你要繼續好似Gigi咁努力追夢，鍾意做乜就做乜。屋企道門永遠打開，有事就話畀我聽，冇事就自己享受青春啦。」Gigi事後指祖藍心態與自己父母猶如倒模；Gigi除了應祖藍要求合唱《世上只有》，更向家人隔空發表「愛的宣言」：「有啲咩嘢煩惱，都可以同我講架。」對於祖藍讚其孝順，Gigi坦承：「因為屋企人係唔可以缺少。」
（點新聞特約記者陳惠芳報道）
相關報道：
