開心無敵獎門人｜蘭茜暫代獎門人 何遠東爆方力申「食晒所有曲奇」
《開心無敵獎門人》昨晚（4日）一集因曾志偉確診缺席，由「一次性用完即棄獎門人」蘭茜聯同「獎老」錢嘉樂、阮兆祥、麥美恩等任主持。嘉賓有文頌嫻、梁靖琪、鍾麗淇、周家蔚及湯盈盈，以及方力申（小方）、吳家樂、黃建東、鄭俊弘及何遠東（阿東）。
小方在「開心無敵爆大波」慘成攻擊目標，阿東被要求講出小方「10個緋聞女友」，阿東笑言：「小方鍾意食曲奇餅(女子組合Cookies)，應該所有都食過！」阿東發言引起全場大嗌，小方扮嬲說：「其實我唔識佢（阿東）！」阿東緊接再無厘頭答「樂小姐(樂易玲)」，小方即好識做地回答：「呢個可以。」
而湯盈盈被要求數出「十個錢嘉樂的優點」時，她竟然答「好大」，引得所有人搶着追問「邊度大」，盈盈即解釋謂：「係愛心好大！」
是集「開心無敵大電視」有別以往，參賽者只能以英文和動作形容答案，家樂仔玩到瞓地扮「馬死落地行」之餘，又大晒神級英文「People no die…Stay…On the mountain…」來形容「留得青山在，哪怕無柴燒」，非常爆笑。
（點新聞記者陳惠芳報道）
更多閱讀：
