着高踭鞋企足5個鐘 炎明熹：當係一種試煉
炎明熹（Gigi）、連詩雅（Shiga）及黃妍等人今日（27日）為Mira Place Gimme LiVe音樂節10周年「五音十色」擔任表演嘉賓，大批樂迷聞風而至到場支持。
Gigi近日自爆長高了，今日她穿上上5吋高踭鞋到場，問到會否不習慣？她說：「最高試過7吋，要看當日狀態，試過着唔係太高嘅但感覺好攰，又試過着更高但又冇乜嘢。」她笑稱每件事對她來説也可以是挑戰，包括穿高踭鞋：「試過有次專登唔坐唔除，着住企足5個鐘，結果當除鞋嘅時候對腳好似離開地面咁。（點解要咁做？）當係一種試煉，可能要練100年先習慣，哈哈。」
問到寧願着高踭鞋還是作性感打扮？她指要看場合及公司安排：「冇理由去樂園玩着高踭鞋嘛！若果大家勸我唔好做，又或者我感到有危機感嘅事情我或者會Say No。」性感方面？她笑說：「看公司，但公司又要我家人同意先得。咁公司都要經我家人同意至得，我係咪好聰明。」
Shiga久未唱現場，昨晚她緊張至失眠：「年幾主要拍節目，冇試過於觀眾面前唱，好驚觀眾唔記得我係歌手，哈哈。」她坦言見到很多粉絲特意到場，對此十分感動。談到近況，她表示目前正拍攝《因為愛情》，並找來多對伴侶分享疫情期間大家遇到的難題。她又言眾人不同的故事經常令她感動落淚。
（點新聞特約記者陳惠芳報道）
更多閱讀：
