當年借戲摑祖藍發洩 薛凱琪情緒病仰天忍淚
王祖藍主持《有個閨密叫祖藍》，第三集嘉賓是與祖藍認識了18年的薛凱琪（Fiona）。Fiona在節目中分享初戀歲數、拍拖次數、愛情觀、地獄廚神成長之路、情緒病成因等人生經歷。
初出道便與祖藍結緣的Fiona，給予祖藍第一印象是「咩都笑得一餐」，可惜隨着走紅後Fiona開始變得不快樂：「嗰時成日有人跟我，我就覺得其實只係想唱吓歌、拍吓戲，點解會變咗冇咗自己嘅生活？」祖藍續指與Fiona合作電影《人間喜劇》時已察覺對方有異樣，Fiona坦言當時眼淚完全不受控制，並邊說邊重演當時情況謂：「我會狂喊，但係係冇表情嗰隻，只係眼淚不斷滴落嚟。」Fiona續指由於情況嚴重，當時要自創「仰天忍淚」方便化妝師化妝，祖藍亦直認至今仍難忘Fiona當年忍淚畫面。Fiona直指有借戲中怒摑祖藍一幕發洩負能量。
與Fiona無所不談的祖藍，單刀直入問她的戀愛史，她說：「我入行17年，點會冇拍過拖。但我每次都會話冇拍，你諗吓分手時幾咁痛，仲要做訪問解釋喎。」祖藍再追問Fiona「認真拍拖次數」，Fiona先是一本正經謂：「我冇試過散拖，大概拍過四次，有一個兩年，有一個一年……」不過Fiona數數吓，卻忽然撒嬌「拒絕再玩」。
近一年在北京工作的Fiona，坦言因之前未試過獨居，至今仍未適應獨居生活，經常與媽咪Facetime。而本集閨密任務中，Fiona放開懷抱盡情醜化自己，結果成功贏了祖藍。當她見到自己的毁容程度時，忍不住感嘆謂：「我睇嚟真係好放得開吓。」
（點新聞特約記者陳惠芳報道）
更多報道：
