（有片）關心妍20周年演唱會紅館上演　囡囡台上打筋斗掀高潮

一連兩場《關心妍Jade Kwan「約」20周年演唱會》昨（4日）晚於紅館舉行，這晚嘉賓除蕭正楠外，更有母女檔合唱《SMILE》，囡囡陳榮心更在台上打筋抖，掀全場高潮。

演唱會於8時20分開始，關心妍身穿銀色閃裙，兩側高叉大騷美腿。她見到fans的熱情忍不住眼濕濕。Jade一口氣唱出多首金曲，包括《負擔不起》、《龐背21世紀》、《優先訂座》等等。Jade在台上表示極速籌備今次個唱充滿挑戰，更完成與歌迷的約會：「今次演唱會主題叫做約，約係一個信念，一份堅持，一個盼望。好耐以前上帝用彩虹與人立約。我哋世界好紛亂但我哋要有盼望，抬頭望天空就知道上帝睇住我哋，就算幾大雨都好，雨後一定會有陽光。」 

Jade除了獻唱金曲外，更展現她的音樂才華，一時自彈自唱，更從台頂吊下色士風演奏。而囡囡心心亦擔任個歌嘉賓，母女檔合唱《SMILE》令樂迷非常興奮。當囡囡心心上台打筋抖時，Jade就顯得緊張：「我多謝天父帶咗呢位小天使比我，楊榮心我等咗你好耐啦！聽講你想喺紅館打筋抖，今日終於願望成真啦？你洗唔洗拉嚇筋先？得唔得㗎？」

當Jade演唱《原諒的力量》時，她多謝媽媽的養育之恩，亦罕有談及對爸爸的感覺：「舊時我都好嬲佢，點解要走咗去，但後來我都放低咗去見翻佢，但係好快佢就離開咗。我唔知佢有冇睇過我嘅演唱會，因為我冇邀請過佢，但今晚我想送呢首歌比佢聽。」   

頭場演唱會邀請「同年新人」蕭正楠做嘉賓，二人台上合唱《特別鳴謝》，蕭正楠與Jade《想當年》。直到演唱會尾聲演唱《關心...心妍》，Jade忍不住落淚，歌迷紛紛高呼「唔好喊啊！」。

（點新聞特約記者陳惠芳報道）