麥皓兒遭收音師不禮貌對待 無綫嚴肅跟進
港姐麥皓兒近日拍劇，遭同場收音師「不禮貌對待」，由於涉及非禮行為，她覺得未能啞忍，故於社交平台「點名」公開對方的惡行。無綫回覆傳媒查詢時稱，無綫會嚴肅跟進有關事件，已作跨部門溝通，並與相關藝員及幕後工作人員了解情況。
麥皓兒受傳媒訪問時一度哽咽，她說：「我拍緊兩套劇，其中《下流上車族》前晚首日開工，估唔到遇到啲咁嘅情況。佢（收音師）係外判員工，一開始已翻開我件衫，想喺『雞心位』幫我黐咪，當時我已經驚到用手護胸，佢好似完全覺得自己冇問題。當時因為要打燈，我冇得走開避，所以都算數。惟對方變本加厲，個咪冇電，充完電攞返嚟，對方竟然撕開條裙想攝落去。我在社交平台唔想寫太多，事實已經掂到我條打底褲、甚至內褲，更要左右移動搵位黐，佢舉動令我覺得驚訝及不安，完全肆無忌憚！」
麥皓兒稱她加入無綫遇上的台前幕後很有愛，又說:「以前黐咪，收音師會搵女性工作人員幫我，如果唔係都會畀個咪我自己黐，佢咁樣真係完全違反專業操守，影衰業界，樹大有枯枝囉！（會追究不？）已經同監製講，他們會處理。」至於男友邱梓謙有何反應，她說：「佢話即使佢係男仔，都未試過咁嘅情形，幕後同事唔會亂咁接觸藝人嘅身體，他斥責今次行為相當過分！」麥皓兒公開後接獲同事問候，力撐她要公開，不要委屈自己。
（點新聞特約記者陳惠芳報道）
更多閱讀：
