（有片）張敬軒演唱會丨陳蕾贈「套」笑爆全場 許靖韻送背心高呼「除衫」
張敬軒THE NEXT 20 演唱會昨日（27日）踏入第13晚，這晚他請來同鄉陳蕾一起載歌載舞，兩人合唱《詩郵寄》，已經令全場哄動，意想不到陳蕾還送上手織的咪套，親手幫軒仔「笠」上去，引得觀眾狂笑，連軒仔都忍唔住話，「呢份禮物真係好爆。」
陳蕾說：「我係安排得比較後面的嘉賓啦，送禮比你好大壓力....我諗過，想從早餐呢方面出發，送鹹菜配白粥都幾好食...」軒仔忍唔住說:「難道我還未夠鹹？？可以再鹹少少？」引得觀眾哈哈大笑。陳蕾繼續話，「早餐呀，食物呀咁好多人送啦，我最近學針織，不如就親手織嘢送比你啦。我其實唔係好熟你個Size，不過我估有一個Size我可能比較清楚.....我已經袋住係身........」隨即由口袋中抽了一條「條」狀物體出來，軒仔及觀眾一見，已經笑到反肚，「喂，你呢個咩來先？咁形狀？哈哈哈.....」一連串妙語連珠，觀眾狂笑起哄，陳蕾就解畫話，「其實係笠係個咪到...」當觀眾笑聲已經震烈紅館時，她繼續爆下去，拿着「套」問軒仔，「你要唔要我幫你笠？」接着就親手幫軒仔的咪戴套，「哎也真係啱啱好..」軒仔: 「哈哈......好爆呀你呢份禮物！」之後軒仔又說：「多謝你先，好溫暖，呢份係人生收過最有心思禮物！」
安歌部分，軒仔請來了小師妹許靖韻(Angela)，兩人一起合唱《別為我好》，Angela出道之初有個花名叫小背心，所以她帶了一件小背心送給師兄，並與全場觀眾一起歡呼大叫軒仔即場換上給大家看看，「因為你之前送過件三點式比我，提醒我做人做事要記得三點，同事又話你操得好fit，但冇乜點露 ，所以我諗住送件小背心俾你...」全場觀眾時幫Angela一起大叫「除衫！除衫！除衫！」軒仔笑住話，「你唔係諗住叫我即刻着呀嘛？」接着作狀除衫，但到最後還是走數，笑稱：「嘩，要睇我即場換衫，張飛就要一千六百八啦！哈哈......應承你，下次見你着比你睇！」
（點新聞特約記者陳惠芳報道）
更多閱讀：
