曾沒信心參加《聲生不息》 炎明熹火星金句：人總要有少少自信又唔好多
香港回歸25周年，TVB獲芒果TV協製《聲生不息》，前晚Gigi與內地歌手劉惜君合唱《念親恩》，配以炎母開場獻唱的童謠《月光光》，感動指數倍升，不少網民大讚Gigi重情。
Gigi昨日（16日）接受無綫娛樂新聞台訪問，披露邀請媽媽獻聲因由：「《念親恩》係表達對父母思念嘅歌，我就諗媽咪細個係點氹我瞓覺？佢係唱另外一首童謠，普通話嚟嘅。媽咪話，我一聽到呢首歌就即刻會瞓着。」Gigi更邀媽咪獻聲。
Gigi又指今次參加節目其實沒有太大信心，並以火星金句自勉：「人總係要有一點勇，要有少少自信，但又唔好太多，咁樣先可以繼續落去。」Gigi又謂很幸運得到很多前輩及幕後工作人員照顧及痛錫，隊中前輩對她照顧有加。其中惜君老師一份貼心禮物令她大為感動：「有一日我同惜君排練《念親恩》，佢聽到有人講話用水壼飲水會整花唇膏，惜君老師個水壼有啜嘴唔會整花，然後有一日惜君老師就送咗個水壼畀我。」
（點新聞記者陳惠芳報道）
更多閱讀：
