相隔兩年再見家人 炎明熹自曝姊妹如餅印
今年是香港回歸祖國25周年，無綫電視與芒果TV合作誠推《聲生不息》作為獻禮。炎明熹（Gigi）於首兩集表現亮麗，贏盡香港和內地網民及觀眾好評，微博粉絲人數更每日遞增，由節目開播前的6萬攀升至26.7萬（截至今晚11時），走勢凌厲。Gigi今日（3日）接受無綫專訪，大談自己這段期間的生活日常、有趣點滴及與家人間的感人互動。
對於相隔2年後終於再有機會與家人重聚，Gigi坦言既開心又感動：「第一日接媽咪放工，媽咪喺度喊搞到我都喊，爸爸媽媽同我講咗好多嘢，仲話我係佢哋嘅驕傲。」Gigi又指今次再與家人離別時，感覺是百感交集，「本身諗住就唔會好似以前咁，因為我已經長大咗，但估唔到我仲係不斷咁滴淚。」談到日前在其網上直播驚喜亮相的8歲妹妹，Gigi笑言自覺與妹妹長得很相像，並自曝「傻傻」分不清自己與妹妹：「最搞笑係製作組需要我小時候嘅相，點知我搞錯咗畀咗細妹張相佢哋，我一直以為係我自己嚟㗎喎，直到媽咪話畀我聽，我先知搞錯咗，真心覺得好尷尬！」
Gigi參與《聲生不息》，家人全力支持，連年屆90歲的爺爺亦有捧場兼給予意見，她說：「佢有提醒我唱歌時個嘴打得唔夠開，爺爺以前喺戲班做，識得拉二胡同埋打鼓，佢咁留意我嘅演出，我覺得好感動。」
Gigi更獲「Gi炎粉」送上驚喜，有粉絲特意駕車前來電視城送上限量版「Gi囡」為Gigi打氣。「Gi囡」像真度極高，招牌齊蔭及眼睛最似Gigi，除腳板底繡了「炎」字，公仔的肚臍亦大有名堂，取「支持」的諧音叫做「Gi臍」，十分有心思。有「火星女神」之稱的Gigi繼續腦洞大開，自曝已為不同版本的公仔取好名字：有諗過如果出古代版，可以叫做「熹娃」；如果我變肥咗，個公仔可以叫「肥Gi（豬）」！
此外，Gigi透露現時每天都以練歌及傾音樂為主，每天想吃什麼就吃什麼，但表演前一星期會自動向美食Say Bye Bye。談到出演《聲生不息》微博粉絲人數持續上升，Gigi坦言沒有想過，她說：「非常多謝大家，我會繼續努力。啲數字係咁升，真係有啲『驚變』我！」
（點新聞記者陳惠芳報道）
更多閱讀：
