（有片）麻雀鬥室　薛家燕欲請高手小鳳姐出戰

無綫全新綜藝節目《麻雀鬥室三決一》昨晚（28日）首播，家燕姐希望邀請好鍾意打麻雀的徐小鳳上節目打牌。

家燕姐說：「小鳳姐打麻雀好叻，我梗係想請佢上嚟啦！大家可以跟小鳳姐學下嘢！」。雖然節目只拍了一半，但家燕姐與吳若希(jinny)及鄭衍鋒等拍檔感情要好，似足一個family。家燕姐不時「萬歲」蛋撻、沙翁，衍鋒則會「萬歲」咖啡。有次家燕姐錄影錄到聲沙沙，Jinny翌日帶了私夥浸了十幾年鹹柑桔俾家燕姐舒緩喉嚨，家燕姐話：「係呀，可能拍攝時間好長，拍一集《麻雀》，等於拍兩集《流行經典》，大家相處時間長，感情都好啲」。家燕姐更大讚Jinny老公好好，拍到凌晨兩、三點，便見他接太太放工。

至於哪位嘉賓牌品不好？Jinny說，「就算嘉賓牌品唔好，俾大家見到都係acting，因為拍節目是一個玩的心態，不是玩錢」。衍鋒力讚黎諾懿牌品好好，「首集三娘教子，三位女士一齊攻佢，個遊戲係要懲罰，個個都罰他，他就好淡然面對」。

（點新聞記者陳惠芳報道）