獲驚喜蛋糕　鄭融：快點推新歌緊要過有新男友

女星鄭融今日（6日）為香港開電視節目《30分鐘大放餸》擔任嘉賓，其間節目主持黃芳雯(Paula)送上蛋糕為她預祝今個月10號的生日，令壽星女十分驚喜。

鄭融表示，今年生日準備與家人、同事及朋友食飯慶祝，至於生日願望，她說:「每增長一歲，生日願望就越簡單，最重要身體健康、開心及工作順利，可以擁有呢幾樣已好感恩。(唔想快點識到新男友？) 呢樣反而冇諗，快點有新歌推出緊要過有新男友。」她透露原定計劃年中推出第二首新歌，新歌是一首想鼓勵大家正面及有溫暖意思的歌，現因遇上一些波折，要推遲至明年才推出，雖然感到無奈，但也不介意耐心等待製作人做到最好才推出。

談到下廚煮食，鄭融說間中都會下廚，有時更會相約鄰居一起煮飯。問到可曾為男友下廚？鄭融笑言試過為男友下廚，但覺得很有壓力：「煮畀自己食冇咁高要求，食得落肚已好開心，但煮畀男友食就會對自己要求高點。試過想畀男友驚喜，煮日式咖哩牛肉飯，好彩男友都有讚好。」

（點新聞記者梁靜儀報道）