吳傲雪造謠挑撥黃店　賣慘惹同路人反感

如何令「同路人」都覺得你嘅誠信破產？有網民喺「連登」開post指，曾自稱被警方「性暴力」對待嘅大話精、中大畢業生吳傲雪，近日喺「黃店」「糖水雄」打工期間搭上咗老闆個仔A君，其後開始挑撥成間舖嘅人事關係，搞到老闆「心灰意冷」差啲想唔撈，質疑吳傲雪係個「操控狂」。疑似同「糖水雄」關係密切嘅另一「黃店」員工「Derek Pak Lun Ip」亦喺fb「讚揚」吳傲雪嘅造謠、挑撥離間能力「好出色」。事件惹嚟唔少批評，吳傲雪其後就衝落舖頭大喊扮可憐，又喺fb賣慘博同情，話自己多年嚟一直被辱罵，更會為身邊人惹麻煩。可惜「同路人」同網民唔止唔買賬，仲直言非常噁心，叫吳傲雪收手收聲唔好再害人。

就連前「香港眾志」秘書長黃之鋒嘅前女友錢詩文亦開post，幫大家回帶吳傲雪點解會誠信破產之餘，仲好火滾咁話：「吳小姐私生活有幾亂唔關我事，但涉及『反送中運動』，亦都係一般人眼中算係『831／新屋嶺事件』代表人物之一，誠信有問題就係影響緊係（喺）呢啲事件中真係受到嚴重傷害嘅人。」「你老×真係以正視聽，容許唔到呢種人仲係到（喺度）賣小強。」

《點新聞無懼打壓 繼續發聲》

歡迎到 Apple/Google play store 下載 「點新聞」app 或直接進入點新聞網站瀏覽最新最準的新聞資訊：

www.dotdotnews.com

使用其他社交媒體訂閱點新聞

YouTube: youtube.com/c/dotdotnews點新聞

Instagram: instagram.com/dotdotnews