黃圈新詞｜「糧支」區議員：得閒賣台灣菠蘿　印月曆暗撐「獨」

喺香港，有一班極有「糧支」嘅區議員。為咗「糧支」，遊走在違法邊緣，仲暗中撐「獨」添！

近排收到讀者爆料，馬鞍山的區議員鄭仲恒、麥潤培、鍾禮謙等，公然賣台灣菠蘿當正職，又出Post又印傳單，搞到好似為居民服務，實則涉嫌借議員辦事處營利。喂喂喂，「台灣鳳梨」駛唔駛堂堂香港區議員幫手賣？蔡英文講咗佢哋自己鳳梨自己食喎。呢樣唔離譜，最離譜係佢哋新年印製月曆錯漏百出——10月1日不寫國慶寫「紅日」，7月1日寫「主權移交日」。喂大佬，你哋係無心定係有意，你想2021年7月1日香港主權移交畀邊位？唔該你返去重讀歷史，作為區議員，應該愛國愛港，咁玩「文字遊戲」，係咪搞暗「獨」？

仲有「糧支」表表者，觀塘區區議員畢東尼，喺九龍灣麗晶花園爆疫要緊急撤離時，竟然出走英國，有居民搵佢幫手，佢竟然退出居民group，跟住仲因為疫情而滯留英國到而家都仲未返來，麗晶居民發文大感無奈。而佐敦南區議員陳梓維，被傳媒踢爆農曆新年期間，由年廿九放假到「年十八」，真係絕世好工做一世都願，但唔知該區居民有事可以搵邊個幫手呢？

香港區議員真係門檻低下，唔駛務正業，唔駛有專業精神、常識同敬業，呢啲就係居民想要區議員？有無搞錯呀！