（有片）留台拍攝四個月終返港 姜濤笑稱與MV女主唔過電

男團MIRROR成員姜濤推出最新歌曲《愛情簽證申請》，在台灣拍攝四個多月的他於昨晚（15日）返回香港，在機場等待檢疫期間，還透過手機欣賞新歌MV首播。

是次MV，姜濤有份參與新歌填詞及創作劇本，他的靈感來自己的愛情觀，「新歌講如果一段愛情明知冇結果，你仲會唔會開始呢？我覺得每個藝人，或者好似我哋呢種偶像拍每一次拖都要好小心，唔敢輕易開始一段新感情。唔只係藝人，我覺得依家每一個都要識得去分辨可唔可以對每段戀情負上責任。」

今次的MV在台灣取景，姜濤曾在直播中向隊友透露結識了「台灣女友」，那位MV「姜女郎」原來是《超感應學園》女演員林思廷（Tammy）。姜濤與她飾演小情侶，在台灣街頭奉旨拍拖。

問姜濤有無觸電的感覺？他害羞地說：「冇呀，我一直望住佢眉心，我驚望住佢對眼會怕醜。佢都有問過我要望我邊到，佢都係好似望我塊面嘅其中一撻地方，過電？今次就應該冇喇。」提到理想型女友時，姜濤笑言：「冇乜特別，但今次出發前阿媽有叫我搵個台灣女朋友，我努力㗎阿媽！」

（點新聞記者陳惠芳報道）