漫畫 | 黃圈新詞「洗黑錢」

 

以前講嘅洗黑錢，基本講嘅都係：存入不同帳戶轉出再轉入自己名下、開個空殼公司做假交易、投資轉賣一啲古董藝品等難以估價嘅物品，同利用賭場籌碼換成現金等等嘅不法行為，但自從黃圈出現之後，就連「洗黑錢」都多咗個講法。

 

話說警方近日偵破一宗億元洗黑錢案，咁啱得咁橋又係借乜乜物物手足基金個名嚟行騙。警方根據線報追查一對情侶嘅銀行戶口，發現佢哋持有嘅兩個銀行戶口，由上年10月至今年5月嘅七個月之內，懷疑被用作清洗共3.64億元嘅的犯罪得益。被捕情侶分別為報稱無業嘅32歲男子，以及22歲就讀中文大學傳理系四年級女子，兩人喺將軍澳一單位同居。警方正追查資金來源，以及是否同支持黑暴資金有關。

 

其實早在年多之前，黃絲暴徒已經搞過「數字基金」、「X火」呢啲籌款平台嚟呃呃騙騙。「數字基金」就被傳媒踢爆帳目問題多多，啲錢都係用喺行政費同購買音響設備，仲搞到佢哋「自己友」眼紅內訌。「X火」就直頭斷正，四人涉洗黑錢被捕， 7千萬資金被凍結。

 

根據香港法例，洗黑錢屬於刑事罪行。根據《販毒(追討得益)條例》(第405章)以及《有組織及嚴重罪行條例》(第455章)規定，任何人如知道或有合理理由相信，任何財產(包括金錢)是販毒或可公訴罪行得益，而仍處理該財產，該人便干犯清洗黑錢罪行，最高刑罰為罰款HK$500萬及監禁14年。

 

要避免墮入洗黑錢陷阱，有以下三點要注意：

 

第一、勿替他人開立銀行戶口

第二、勿借出自己銀行戶口予他人使用

第三、勿將戶口資料向他人透露

 

不過，如何防止墮「黃絲基金」嘅洗黑錢陷阱呢？唔好信「咪捐就得啦」！